【開箱】畀你前所未有嘅電競視覺享受:MSI 頂級量子點電競顯示器 – Optix MAG274QRF-QD

  MSI 近排就推出咗一隻非常特別嘅電競 mon,佢個名就好長嘅,叫 Optix MAG274QRF-QD。 佢最大嘅特色就係用咗量子點技術,仲有 165Hz 嘅  Rapid IPS 面板,以電競 mon 而言真係非常罕見。 咁究竟佢出到嚟個畫面表現又係點嘅呢?答案即將開估!   開箱 MAG274QRF-QD 唔單止個名長,隻 mon 個尺寸都好大,有成 27 吋。 咁有成 27 吋嘅 mon,個箱唔使問一定大,小編我拎返去嘅時候都幾吃力下,建議各位要買都係揀送貨上門好啲。   打開個箱之後就見到個 mon,仲有個 mon 嘅支架同埋火牛。       配件   隨盒附送 1 條 HDMI 條,1 條 DisplayPort 線,仲有 1 條 USB 2.0 Type-B 線。 如果你想用 mon 後面個兩個 USB 2.0 Type-A 插頭嘅話,咁你就要將盒入面嘅 USB 2.0 Type-B 線由個 mon 駁落去你部電腦度。 之後仲有安裝時用嚟鎖實隻 mon 同支架嘅螺絲,仲有畀你用嚟掛牆同埋 VESA 支架 (100 x 100 mm) 專用嘅螺絲。   外觀   MAG274QRF-QD 嘅超薄邊框設計,一望落去就已經覺得好型,而同時又慳位。 有時有 D mon 尺寸一大起上嚟個邊框都會闊到阻住哂,呢隻 MAG274QRF-QD 正正就冇咗呢方面嘅麻煩。       話說背面仲有一條打斜嘅 Mystic Light RGB 燈條,夜晚熄燈見到個 mon 後面有燈著住真係夠哂氣勢!   輸入介面   輸入介面方面,MAG274QRF-QD 就非常齊全嘅。 常見嘅 HDMI 插口足足有成兩個,打算將呢個 mon 同時畀電腦同 PS5 用都冇問題! (話說小編都好想有部 PS5 呀~) 唔好忘記佢仲有一個電競螢幕必備嘅 DisplayPort 插口,因為 HDMI 2.0b 極限只係輸出到 144Hz 嘅 2560 x 1440,要上 165Hz 就一定要用 DisplayPort 駁電腦。 最後唔可以唔讚嘅就係 MAG274QRF-QD 有 USB Type-C 插口。佢呢個 USB Type-C 係一個 DisplayPort 輸入插口嚟,可以方便一啲成部機只有 USB Type-C 同時又支援輸出 DisplayPort 嘅 laptop (例如 MacBook 及各款 ultrabook ) 或者部份手機使用,夠哂方便,啱哂同時畀多款裝置用呢隻 mon。 之後都有常見嘅 3.5 mm 耳機插口。 而尾二到尾四個三個插口就係 USB 2.0 Type-B 同兩個 USB 2.0 Type-A。頭先講線材個時都提過,用 USB 2.0 Type-B 線由個 mon 駁落去你部電腦度,然後就可以用到個兩個 USB 2.0 Type-A 插頭。     角度/升降調節 角度調節同高低升降對於呢啲尺寸較大嘅 mon 當然係必備架啦,但係小編就發現 MAG274QRF-QD 嘅可調節度係非常之高。簡直可以話任你點擺隻 mon 都冇問題!   傾斜 高度   旋轉     小弟估唔到嘅係呢隻 mon 甚至打直/打橫旋轉都得,以電競 mon 黎講算少有。可以將個 mon 打直咁擺,亦即係話都可以當佢係工作螢幕咁用。     OSD (On Screen Display) 咁小編我就比較懶,唔想特登裝個軟件,呢個時候都可以用個 mon 本身右下方背脊嘅紅色 joy stick 去控制隻 mon 嘅各種設定。   直接用 joy stick 去控制嘅 OSD 可以設定唔同模式,亮度、對比度、銳利度、色溫等等 同時另一頁仲有 Gaming 相關嘅設定,例如反應時間、夜視模式、Adaptive-Sync 等等。就算唔裝其他軟件嘅話都可以用盡呢隻 mon 嘅各種功能。     當然,你想直接用 keyboard 同 mouse 就控制哂個 mon 嘅話,MSI 嘅 Gaming OSD App 2.0 都幫到你!       試色彩   今次 MSI 呢隻 MAG274QRF-QD 最與別不同嘅地方就係用咗量子點技術。呢個技術可以令到螢幕所產生出嚟嘅紅、綠、藍,以上嘅三原色更加純。令到 MAG274QRF-QD 嘅色域比以往嘅電競螢幕更加廣,望落去嘅整體色彩更豐富同鮮艷。 再加上呢隻 mon 係寫明 HDR Ready,講到呢度就知呢隻 MAG274QRF-QD 嘅色水一定唔會令人失望。     唔單止色彩靚,WQHD 解析度之下呢隻 mon 連畫面都好細緻。     (用呢隻 mon 去睇風景片,又令小編諗起有得去旅行嘅日子T_T)   試執相   頭先都有提過呢隻 MAG274QRF-QD 係一隻量子點 IPS 螢幕,佢嘅色域大到可以覆蓋 97% DCI-P3 / 147% sRGB, 再加上 2560 x 1440 (WQHD) 嘅解析度,小編覺得用佢嚟執下相應該都唔會有太大問題,顏色唔會偏得太嚴重。 咁試完之後小編我就覺得呢隻 MAG274QRF-QD 確實係足夠應付基本執相剪片嘅工作。佢嘅色域夠廣闊,能夠顯示到唔同層次嘅顏色,用家唔使擔心話因為見到嘅顏色會太淡而執到張相啲色錯哂。   試打機   MAG274QRF-QD 係一隻有 165Hz 嘅 mon,同時又支援 NVIDIA G-Sync 同步技術,完全唔使怕會有畫面撕裂嘅問題,唔用嚟打機就真係浪費哂啦。 小編就拎左隻 Watch Dogs: Legion 出嚟試下呢隻 mon 打機效果如何。 量子點 mon 嘅高亮度令到畫面表現提升咗好多,動態範圍非常之足夠,光暗層次出哂嚟,可以留意到啲陰影位唔會黑哂,而陽光猛烈嘅地方都保留到細節,唔會爆光白哂。打機都最怕就係睇嘢睇唔清楚,用呢隻 mon 打機就唔使驚呢個問題啦! 雖然 MAG274QRF-QD 用嘅係 IPS 面板,但佢係一個少數 IPS 得嚟又擁有 165Hz 1ms 刷新率嘅 panel,咁高刷新率同咁反應快嘅 Rapid IPS 市面上實在少見。 咁 IPS 螢幕色彩表現有幾好大家都知,呢隻 mon 同時色彩同刷新率兩者兼得,用嚟打 FPS 嘅話,畫面唔撕裂,又可以睇到色彩豐富嘅畫面,正呀!   總結:一隻超越咗電競螢幕嘅螢幕 MSI 呢隻 Optix MAG274QRF-QD 啱哂會用嚟打機同時又對睇戲好有要求,又或者有時候需要進行創作嘅用家。 一般嚟講,電競 mon 都則重於刷新率同反應時間。刷新率可以上到 240Hz 甚到 300Hz,但多數都唔係用 IPS panel,同時色彩方面就點都差少少。 如果你想要超廣色域,用嚟睇戲、執相、剪片等等嘅話,咁一係你就買 D 專設計畀創作用嘅 mon,佢地多數都用 IPS panel,又有 4K 解析度同埋 99% Adobe RGB,但刷新率多數都只係 60Hz。 而 Optix MAG274QRF-QD 就集合哂兩邊嘅優勢,將以往技術好難做到嘅嘢變成做到,令佢變成打機又得,創作睇戲都得嘅 mon。 佢嘅量子點 IPS panel 加上 WQHD 解析度令到出到嚟嘅畫面非常震撼,再加埋 165Hz 1ms 嘅刷新率同反應時間,用嚟打機,不論係節奏快嘅 FPS 又好,重視畫面細節嘅 RPG 又好,MAG274QRF-QD 都可以畀到你最靚嘅畫面,簡直係頂級嘅享受。 佢擁有嘅 97% DCI-P3 / 147% sRGB 超廣色域,再加埋咁高嘅解析度,亦都可以畀你拎去用嚟執相同剪片等等創作用途,可以話係一個多才多藝嘅螢幕。 最後仲有佢嘅高調節度,同埋好易用嘅 On Screen Display,你亦都可以好舒適咁調較同用呢個咁頂級嘅 mon。 如果你係對屋企個電競 mon 好有要求,要色水靚、高刷新率、反應快、又要隻 mon 好型仔嘅話,呢隻 MSI Optix MAG274QRF-QD 絕對可以成為值得上依賴嘅一隻電競 mon。     MSI Optix MAG274QRF-QD 保養: 3 年保養 型號: MO-MA274QD   建議零售價: HKD $4,499   購買連結: https://shop.hornington.com/products/msi-gaming-monitor-optix-mag274qrf-qd-mo-ma274qdce-acpclb-mon   MSI 官方網站 : https://tw.msi.com/Monitor/Optix-MAG274QRF-QD
2020-12-24

【開箱】超抵玩電競鍵盤 – MSI VIGOR GK20

講起打機最重要除咗個 mouse 仲有就係個 keyboard 啦。對於唔少朋友黎講要投資成 $500 ~ $700 落去個 keyboard 度可能會覺得太肉赤,其實我都係。 咁如果想試下玩打機用嘅 keyboard 又應該點樣入手呢?咁小編我呢,就揀咗呢一個由 MSI 推出嘅超抵玩電競 keyboard – VIGOR GK20 。     從個包裝外面已經睇到 VIGOR GK20 齊備各種電競鍵盤嘅基本功能。   GK20 嘅外觀設計非常之簡潔整齊,而且仲有彩色嘅靜態燈光效果,十分靚仔。   對於用黎打機嘅鍵盤,最重要就係夠穩陣。而 GK20 就擁有 Gaming Base 嘅底座設計,唔只得左下同右下有防滑腳墊,連空白鍵對下嘅位置都有一張腳墊。 而且啲腳墊仲係軟身嘅,可以好實咁啜住張枱,非常之穩陣,咁就唔洗怕打打下機移咗位,攪到分分鐘撳錯制!   雖然空白鍵下面多張腳墊只係一個少少嘅變化,但係呢一種細心嘅改動就已經令到整個空白鍵撳落去嘅時候感覺實淨好多。同絕大部份其他 keyboard 比,個空白鍵唔會有一種好空洞同埋好似撳極都未撳到底嘅感覺。呢一啲細節位都有留意到, MSI 的確抵讚!   除咗啲腳墊之外,keyboard 個支撐架都一樣整得好細心。支撐架背面本身都係一個硬身嘅腳墊,而打開咗個支撐架之後隻腳下面都有腳墊吸實張枱,令到個 keyboard 整體依然好穩陣。 而且個支撐架仲要係比其他常見嘅 keyboard 厚身,打機緊張大力都唔怕會打到個架斷。同時支撐架個升高角度都好舒適,整體感覺非常可靠。   唔止個設計細心,呢個 GK20 仲自帶有唔少方便嘅功能。用家唔需要安裝軟件都可以直接透過龍魂 FN 鍵組合改變 RGB 模式同埋亮度。 除此之外,用家仲可以利用龍魂 FN 鍵 + F9 ~ PAUSE 嘅呢 7 粒制,控制多媒體功能,做緊其他嘢時又想聽歌就好方便,唔洗用 mouse 撳黎撳去。   最後 GK20 仲有最重要嘅防鬼鍵功能。GK20 嘅特殊設計令到「QWERASDFZXCV」以上 12 個按鍵係特別地防鬼鍵嘅。 以一般薄膜式鍵盤黎講防鬼鍵算係少有,絕大部份薄膜式鍵盤喺同一時間撳多幾個制就會冇哂反應。而 MSI 喺呢個 GK20 整咗防鬼鍵功能,就可以舒緩到打機嘅時候,要同時撳多個制但最後冇反應,攪無啦啦角色硬直咗嘅問題。 而 MSI 特別選擇咗「QWERASDFZXCV」呢 12 個制,明顯係為打機而設。 小編就喺打 FPS 類型嘅遊戲時候最有感覺,因為 FPS 一定要用到「WASD」去移動,同時又需要利用周圍嘅制 (例如 C 同 R),去做近戰或者上彈等等嘅其他動作。呢個時候 GK20 嘅防鬼鍵設計就非常有用,戰鬥期間做多個動作都唔洗就黎就去,一撳立即就有反應。     打黎緊推出嘅 Call of Duty: Black Ops Cold War 嘅時候要上彈都唔怕撳極都冇反應啦~   總結 整體而言呢個 MSI 嘅 VIGOR GK20 係一個非常抵玩嘅入門電競鍵盤。佢有齊哂電競鍵盤應有嘅功能,同時又有唔少方便同貼心嘅設計,例如最重要嘅防鬼鍵功能、媒體鍵、同埋空白鍵下面嘅防滑腳墊等等。 可以見到盡管 GK20 係一個入門級嘅產品,但係 MSI 都花咗唔少心思落去,照顧玩家嘅需要。加上呢個 GK20 原價都只係 $299,簡直係物超所值!未有 gaming keyboard 嘅朋友值得買黎玩下!   MSI VIGOR GK20 電競鍵盤   保養: 1 年保養   型號: KB-MGK2T   建議零售價: HKD$299   購買連結: https://shop.hornington.com/products/msi-gaming-gear-vigor-gk20-tc   MSI 官方網站 : https://tw.msi.com/Gaming-gear/VIGOR-GK20
2020-11-10

【心得】MSI FORCE GC30 手制小分享

PC 打機唔少人都係用 Keyboard 同 Mouse 為主,但用 PC 打機又點只淨係用呢兩樣裝備,手制其實都好重要。如果有喺 Steam 買開 game 黎玩嘅朋友都知道,始終有啲 game 都係要用手制玩先好玩。   小編呢排覺得一定要用手制玩先開心嘅 game 就係近日好 hit 嘅 game… Fall Guys 雖然 Fall Guys 唔係啲咩大作,而佢又的確可以用 Keyboard 同 Mouse 玩。不過呢隻 game 始終都係用手制玩先有最好嘅體驗。 咁問題就黎啦,小編本身就冇 PC 用嘅手制嘅,而家就需要添置一個,仲想要係無線嘅添。 一講起 PC 用嘅手制,多數大部份人都會立即諗起 Xbox 個個手制,但小編又嫌佢太貴,最後就睇中咗一個好啱用嘅,由 MSI 推出嘅 FORCE GC30 手制。 咁點解呢?因為 GC30 個 layout 同 Xbox 手制一樣,XYAB個擺位都冇調轉到,而且佢輸入 Windows 嘅訊號都係一樣,玩好似 Fall Guys 呢一類 Steam games 就唔怕撳錯制或者要成日留意返個 key binding,呢一點真係非常重要。 而且佢嘅相容性都非常好,由 Windows 7 支援到 Windows 10,唔洗怕買咗返發現唔支援。隨盒仲送埋條線比你連接 Android 手機,連手機 game 玩家都可以用。 仲有呀,GC30 係用內置電池嘅,仲方便過 Xbox 360 / ONE 個兩個要入 AA 電池嘅無線手制。加上佢又有震動功能,如果成日要換電池嘅話都真係幾煩。   最後,GC30 仲有個圓盤咁嘅嘢送埋,雖然玩 Fall Guys 就冇乜用,但對於好似街霸呢一類格鬥 game 嘅玩家就幾重要,睇得出 GC30 都照顧到唔同玩家嘅需要。左下嘅十字鍵呢個位仲要用磁吸式設計,唔洗用好大力都換到,的確幾細心。   成個 GC30 整體而言係一個唔錯而且性價比高嘅手制,如果你同小編一樣係想買個低玩嘅無線手制比 PC 用,同時又唔想煩 layout 同 key binding 方面嘅問題嘅話,GC30 絕對係一個好選擇。     到最後小編都忍唔住想講,點解 Fall Guys 呢隻 game 咁難攞到個皇冠。老實講小編一次都未攞過…   MSI FORCE GC30   保養: 1 年保養   型號: GP-MFGC30   建議零售價: HKD $499   購買連結: https://shop.hornington.com/products/msi-gaming-gear-force-gc30   MSI 官方網站 : https://tw.msi.com/Gaming-gear/Force-GC30/Overview
2020-10-16

【開箱】MSI VIGOR GK50 ELITE 電競鍵盤

MSI 喺電競界嘅地位當然唔可以忽視啦,有打開機嘅朋友都一定會聽過佢地嘅底板同顯示卡。 而 MSI 嘅遊戲週邊都係非常出名架,當中包括電競滑鼠、電競鍵盤、手制等等,打開機嘅冇理由未聽過啦。 咁今次我地就黎睇下呢排推出咗冇耐嘅 MSI VIGOR GK50 ELITE 究竟係一個點樣嘅電競鍵盤。   開箱 整體包裝簡潔,比你一睇就知 GK50 ELITE 係一個有 RGB 燈嘅機械式鍵盤。   配件方面, GK50 ELITE 隨盒附送一隻鍵帽夾,仲有替換用嘅 ALT 同 CTRL 鍵帽,方便用家有需要嘅時候更換同埋清潔鍵帽。   外觀 + RGB 效果 GK50 ELITE 係一隻標準 100% 104鍵嘅鍵盤,有齊哂常見鍵盤入面嘅按鍵,包括數字鍵。   GK50 ELITE 嘅左右兩邊仲有墊高腳墊,用家可以按自己喜好調節鍵盤斜度。個腳墊仲要好厚好實淨,用得耐都唔怕整斷腳墊。   仲有值得一提嘅係 GK50 ELITE 條 USB 線。佢同普通鍵盤嘅用料唔一樣,線嘅外層唔係用膠造,而係用編織線整出黎。 呢一種線唔單只望落靚啲,摸上手舒服啲,而且仲可以好好咁保護到條 USB 線嘅入面,令到 GK50 ELITE 更加耐用。   同時 GK50 ELITE 嘅「裸軸」(即軸體外露) 設計,令佢嘅 RGB 嘅燈光效果更加突出!   手感 頭先都有提過下「軸體」呢一樣嘢啦。咁講起機械式鍵盤就一定要講下鍵盤入面嘅「軸」 (switch) 未聽過咩係機械鍵盤軸?唔洗擔心,呢度都會好簡單咁介紹下唔同嘅機械鍵盤軸體。   機械鍵盤軸有唔同嘅款式,會用顏色去分辨,各有唔同特色,目前主流嘅有以下呢四種 : 青軸 : 機械軸中最有代表性,打落去會發出「咔咔」聲,有強烈段落感,文書打機都適合。 紅軸 : 冇段落感,手感直上直落,感應速度快,適合遊戲玩家。 茶軸 : 打落去有段落感,但唔似青軸咁明顯,亦唔會發出「咔咔」聲。 黑軸 : 同紅軸一樣冇段落感,手感直上直落,但回饋力道強,適合打字大力嘅用家。   而 MSI VIGOR GK50 ELITE 就係用咗凱華所推出嘅青軸,亦即係上面所提到嘅青軸。 GK50 ELITE 打落去非常清脆,當你隻手指到達咗觸發點嘅時候會感受到好明顯嘅回饋,而且仲要發出一下「咔」嘅聲音,令到噤落去呢個鍵盤嘅每一下都非常之有滿足感。 處理文書工作嘅時候「咔」一聲嘅回饋令你知道已經噤咗個制,之後立即可以噤下一個制,令打字效率提升。而打機嘅時候仲可以好明顯咁比玩家知道自己係咪已經噤咗個制,提升玩家反應,令你唔會錯過任何一次嘅進攻機會。 青軸嘅特色令到呢隻 GK50 ELITE 照顧到唔同用家嘅需要。不論你係要處理文書工作同打論文,定係要用黎打機,又或者兩者都需要嘅話,GK50 ELITE 都非常之適合你用!   軟件 GK50 ELITE 有一點好方便嘅就係唔需要專用軟件都可以更改個鍵盤嘅設定。如果你唔鐘意喺部電腦度安裝軟件咁煩嘅話,你都可以用到呢個鍵盤嘅唔同功能架。   例如噤 FN鍵 + INS鍵 就已經可以切換唔同嘅燈光效果。   仲有非常好用嘅媒體鍵,方便你聽歌睇片時控制播放停止,又或者睇片打機嘅時候較大細聲。   最後仲有個好細心嘅功能,當你覺得設定到個鍵盤好亂好迷失嘅時候,只要噤實 FN 鍵 +  ESC 鍵 3 秒就可以重設成個鍵盤。無論你點用都唔洗怕還原唔到預設設定。   當然,對於啲 hard-core 嘅玩家黎講,咁樣係絕對唔足夠嘅。呢個時候就可以安裝 MSI 官方嘅 Dragon Center 軟件。   喺 Dragon Center 入面用家可以直接選擇各種燈光效果,調色盤功能仲可以比你完全自訂你鐘意嘅顏色。   除此之外, Dragon Center 入面仲可以比用家設定同錄製巨集,令你打機嘅時候多個小幫手。   下面仲有條片,可以比大家睇下 GK50 ELITE 嘅 RGB 效果,同聽下凱華青軸嘅按鍵聲。   總結 擁有青軸按鍵嘅 MSI GK50 ELITE 打落清脆爽手,有強烈回饋感覺,適合有文書處理需要又要打機嘅人。 如果你係大學生自己一個人一間房,又或者你個 roommate 唔介意嘈嘅話,呢隻 GK50 ELITE 實在非常適合。 當然啦,對於要集中用黎打機嘅朋友黎講,青軸嘅明顯回饋令到反應提升, GK50 ELITE 都係一個唔錯嘅選擇。再加上 GK50 ELITE 自帶嘅巨集功能都好適合有一定要求嘅玩家使用。 最後,青軸鍵盤嘅通用性令到 GK50 ELITE 成為一個優秀嘅機械式鍵盤入門選擇。如果你係從未用過機械式鍵盤而又想試下嘅話,呢一隻 MSI VIGOR GK50 ELITE 絕對值得一試。   保養: 1 年保養 型號: KB-MGK5ELT   建議零售價: HKD$699   購買連結: https://shop.hornington.com/products/msi-gaming-gear-vigor-gk50-elite-kailh-blue   MSI 官方網站 : https://tw.msi.com/Gaming-gear/VIGOR-GK50-ELITE-KAILH-BLUE  
2020-10-06

唔止電腦!手機一樣用得 Hitachi-LG Data Storage GP95

  光碟機不再是電腦專利!  雖然說現時很多人已經將資料儲存雲端上,但不少人仍然對光碟機有一定需求,畢竟像是小編喜歡買音樂 CD,都會希望將 CD 音樂守至無損格式,方便隨身攜帶。而且有時透過手機在辦公,亦有可能需要讀取光碟資料,這類用家就最適合選擇這款光碟機使用。由 Hitachi-LG  Data Storage 推出的這款 GP95,最大賣點在於只需要單一 UBS 接口即可啟動,而廠方亦特別加入 Android 支援能力,令手機或是 Android TV 可以直接讀取光碟。   開箱後包裝有兩條 USB 接線,分別是 USB A 及 USB-C,方便連接桌面平台或是 Android 手機。     光碟機本身接口為 MicroUSB 規格。   不用說當然同時支援讀取及燒錄等多種格式,支援規格可以在文未看到。     只需要一條 MicroUSB 至 USB-C 接線,即可在手機啟動光碟機,除了廠方提供的 App 之外,亦可連接其他 App 使用。     包裝內亦有提供電腦用的 Cyber Link Media Suite 軟件   原生 Android App 直接燒錄光碟 既然話支援手機,標準一定要跟 App 啦,Hitachi-LG 已經將專用 App 在 Google Play 上架。App 不單提供音樂 CD 播放功能,更可以將音樂 CD 直接轉換至無損檔案。同時有需要備份資料的用家,亦可以直接將檔案燒錄到 CDR 中。 在 Google Play 就會找到名為「Disk LINK Platinum」,測試中的 Samsung Galaxy S20 手機安裝後只要連接 GP95,App 就會自動啟動。   如果放入音樂 CD,除了直接播放之外,亦可直接轉為 MP3 及  FLAC 等格式儲存到手機內。     App 內的功能相當齊全,用家不單可以將檔案寫入光碟,更可以將手機內的音樂檔案燒錄成音樂光碟。   Android 更多用途 對於仍然需要使用光碟媒媒介的用家來說,GP95 提供雙平台功能,電腦及手機均可直接使用。而且最重要是單 USB 接口即可啟動,令攜帶及使用更加方便。即使你只需要一部電腦用的外置光碟機,GP95 一樣值得你去考慮,產品已經登陸網店及各大腦場,即時去睇睇啦!  顏色:黑、白 建議零售價:$279 
2020-09-14

【開箱】XPG PRECOG 3種模式切換,雙單體音效體驗

首先先同大家介紹下XPG哩個品牌先,XPG嘅全名XTREME PERFORMANCE GEAR ,佢地目標係要造出比遊戲玩家、電競高手、超頻達人嘅高效能產品。 XPG由08年正式成立,近年XPG嘅電競產品線已經趨向完善,有DIY產品、有電競周邊,如果有留意開電競品牌嘅話,可能對XPG都唔會太陌生。     而今次開箱嘅主角就係XPG PRECOG 係全球首款(靜電+動圈)雙單體架構耳機,動圈可能聽得多,靜電就未必聽過,先講一講兩者之間有咩特別之處先啦!   動圈耳機 : 目前絕大多數的耳機都屬於動圈式耳機,原理類似於普通揚聲器,同音箱嘅單元係好相似。由於發聲原理接近人類耳膜,因此聲音自然耐聽。 由於我地今次篇文唔係要介紹動圈/靜電耳機嘅構造,咁簡單講下動圈嘅好處啦,一般動圈耳機整體黎講,係低頻會表現得充足同飽滿,下潛亦都會夠深,但相對地係中高頻嘅細節處理上就會略嫌有不足。   靜電耳機: 靜電耳機呢個名詞可能相對出現比較少,未必咁多人了解,先講左個特點先,靜電耳機個振膜係好薄,所以會有好高嘅靈敏度,可以帶黎更快嘅反應同速度,聲音嘅細節就得以放大,正正因為呢個特點,靜電耳機往往係高頻會有較好嘅表現。最重要係一般靜電耳機個音頻範圍都超過20KHz,而人類一般聽到嘅範圍就係20Hz-20KHz,姐係話高頻嘅細緻度已經超越左人類可以聽到嘅範圍!       岩岩提及到動圈耳機會係中高頻嘅處理會有小小不足,所以XPG PRECOG就採用動圈+靜電雙單元令到整個耳機由低頻到高頻都會有良好嘅表現。事不宜遲,即刻開箱睇下XPG PRECOG到底有咩咁吸引先。   ▼Hi-Res AUDIO 認證 ▼ ▼XPG PRECOG 嘅特色▼ ▼XPG PRECOG 附送配件▼   ▼XPG PRECOG 耳機包裝背面▼   ▼XPG PRECOG 耳機專用測試程式▼ XPG 非常有誠意地設計左一個程式比用家去試隻耳機嘅特性,有興趣嘅讀者可以DOWNLOAD落黎試下(雖然個程式容量都幾大,不過用黎試唔同MODE嘅效果係唔錯)   ▼XPG PRECOG 實物圖▼       ▼XPG PRECOG 區分R/L▼   ▼XPG PRECOG 耳機 Controller ▼ 可以設定唔同MODE (FPS/7.1/MUSIC)     ▼XPG PRECOG LED ON/OFF ▼     ▼XPG PRECOG 用後心得▼ 相信唔少讀者係揀電競耳機嘅時候都會遇到煩惱,唔知點揀先最好,市面亦都有好多唔同牌子嘅耳機,每款嘅特性都唔同。 不過小編試完XPG PRECOG之後,就已經迷上左呢款耳機,玩CSGO嘅時候用FPS MODE,腳步聲聽距離同定位都加強同準確左好多。 另外有樣野始終要提下嘅,因為XPG PRECOG係一款帶有靜電動圈嘅耳機,有其他用家開箱試完覺得有靜電電流聲好重,小編用嘅時候唔太覺得有,呢樣野就見人見智,所以小編都係建議揀咩耳機都好,最好先試下自己岩唔岩先。   另外聽歌方面,J-POP/動漫歌/純樂器嘅歌都試過聽,耳機係低音方面唔會好重,如果係重低音黨嘅讀者就要留意啦!其他音域都冇問題,用黎聽歌絕對都可以! 對於小編呢種有時會玩FPS遊戲,唔玩遊戲嘅時候又會聽歌,呢一款耳機無論係打機定聽歌嘅表現都相當有驚喜!   如果平時真係揀唔到用邊款耳機,睇完呢篇開箱又有冇幫到你揀呢?   保養: 1 years 型號: EP-XPCOG 建議零售價:HKD$1299 購買連結: https://shop.hornington.com/products/adata-xpg-precog-gaming-headset-ep-precog XPG 官方網站  : https://www.xpg.com/tw/ 如果想留意更多產品嘅資訊,可以到我地嘅FB專頁按讚同追蹤 漢科FB專頁: https://www.facebook.com/Hornington/  
2020-06-26

【開箱】光軸RGB機械鍵盤登場!! GAMDIAS HERMES P2A !

現時市面上有好多唔同款既Keyboard,唔知各位平時出去揀Keyboard嘅時候,會唔會遇到唔知揀咩軸嘅煩惱呢?但如果你係一個追求反應嘅玩家,今次介紹嘅Gamdias Hermes P2A 光軸青鍵機械鍵盤可能係你打機嘅重要伙伴! 先同大家簡單講下光軸同其他軸有咩大分別先啦,首先光軸全名為「光導通機械開關」,由於光軸鍵盤係利用光線去判定有冇按壓,令整個操作流暢度得到提升。另外為左提升反應時間,Gamdias Hermes P2A 嘅鍵程只有2mm,比起大多數嘅機械鍵盤鍵程5mm足足短左超過一倍! ▼光軸觸發原理▼ ▼其他軸觸發原理▼ 光軸同其他軸最大分別就係靠光線去判定,所以反應相對比其他軸會較靈敏。而市面上較普遍嘅青紅茶軸都係手感上分別較大。當然唔同嘅軸各有特色 ,最重要係揀一款最夾自己嘅鍵盤!   事不宜遲,即刻為大家開箱睇下哩一款光軸Keyboard! ▼Keyboard本身會跟埋拔鍵器,要清潔鍵盤嘅時候就非常方便啦!▼       ▼將RGB設定成著曬燈嘅情況,小編覺得黑底配RGB燈唔用嘅時候當裝飾都得▼   ▼跟住為大家介紹下,HERMES P2A總共有12個唔同嘅燈光效果▼   ▼另外配合FN+F9/F10鍵去做唔同嘅呼吸燈色彩轉換▼   ▼鍵盤本身有腳去調整斜度,配合返玩家自身想平放/斜放嘅需要▼     ▼另外如果水平線望向鍵盤,會發現鍵盤用左懸浮設計,可以比玩家偷懶唔用拔鍵器抽起晒D鍵模去做簡單清潔。(當然每隔一段時間都要抽起晒D鍵模做下徹底清潔啦)▼ ▼另外懸浮設計都令鍵盤RGB燈光更加透光,大大增加左鍵盤光感▼ ▼可以透過FN鍵+功能鍵(F2-F11)去做唔同嘅動作▼ 例如係YOUTUBE PLAYLIST入面 (FN+F2)係上一條影片 (FN+F3)係下一條影片 (FN+F5)係播放/暫停 (FN+F6)係靜音 (FN+F7/F8)係細聲/大聲 又或者有冇試過玩緊要用到WASD鍵嘅遊戲,成日都彈出輸入框呢 (FN+F4)可以將WASD鍵同↑ ↓ ← → 鍵做交換,咁就唔再怕成日彈出輸入框嘅問題啦 ▼(FN+數字2/8)調教光暗度▼ ▼GAMDIAS 認證Key Switch▼ ▼總結▼ 今次GAMDIAS新出嘅HERMES P2A,價錢偏向入門級,但光軸提供嘅良好手感同迅捷反應,小編就用黎玩過FPS同MOBA遊戲去做測試,無論係玩咩類型嘅遊戲,都絕對適合。加埋RGB嘅設計令鍵盤外觀非常吸引,最重要係佢有防溢結構設計,哩個設計能夠幫助鍵盤排出液體去令鍵盤保持正常運作。如果想換KEYBOARD又未諗到換邊款嘅話,可以考慮下今次開箱嘅GAMDIAS HERMES P2A。   保養: 1 years 型號: KB-HP2AOB(光軸青鍵) 建議零售價:HKD$599 購買連結: https://shop.hornington.com/products/gamdias-hermes-p2a-optical-switch-rgb-mechanical-keyboard GAMDIAS 官方網站 : https://www.gamdias.com/gear/index.php/home-keyboard/hermes-p2a-keyboard-1#random 如果想留意更多產品嘅資訊,可以到我地嘅FB專頁按讚同追蹤 漢科FB專頁: https://www.facebook.com/Hornington/  
2020-06-09

粉紅色系靜音鍵盤! iRocks K76M 粉紅色機械式鍵盤

  如果鐘意粉紅色,又唔想個鍵盤「躂躂」聲。 今次開箱介紹哩款Keyboard 可能啱你。 今次嘅主角係 iRocks K76M 粉紅色機械式鍵盤 先同大家介紹下佢有咩特點啦! 1. 鍵盤係標準104鍵設計 2. 鍵盤表面同四邊都有透明飾板可以反射光線,更加亮眼,同時又令鍵盤用得耐都唔怕污糟! 3.除左本身預設嘅櫻花飾紙,仲有另外3款飾紙可以隨時更換。 4. iRocks獨家靜音自有軸,減低鍵盤碰撞雜聲。就算夜晚玩電腦都唔怕會嘈到其他人 (小編今次開箱哩款係茶軸! 另外仲有紅軸可以揀!)   可以到iRocks網站下載應用程式 按自身需要設定你嘅鍵盤。 (例如:關閉WINDOW KEY ,唔怕打到一半,撳錯制彈出桌面搞到自己輸左個GAME啦) (又可以幫P1-P8鍵獨立設定功能鍵 例如: P1鍵 設定成複製, P2鍵設定成貼上,就唔洗成日CTRL+C & CTRL+V啦) 對於可能係OFFICE做野嘅人都帶黎方便,令工作事半功倍啊!       整體而言,今次iRocks K76 Custom 隻粉紅色Keyboard都有D驚喜。 顏色方面,比預期好睇,開箱出黎嘅實物顏色會比包裝顯示出黎鮮艷小小。 雖然係靜音設計,但手感都冇失色,仍然有機械鍵盤嘅手感。 如果考慮想有一套粉紅色嘅Gaming Gear,可以由哩隻鍵盤開始入手。   保養: 2 years 型號: KB-76MSBCP(茶軸) / KB-76MSRCP(紅軸) 建議零售價:HKD$749 購買連結: https://shop.hornington.com/products/i-rocks-k76m-custom-pink-silent-mechanical-keyboard-sakura-edition-kb-76msbcpkb-76msrcp   iRocks 官方網站 : http://www.i-rocks.com.tw/web/product/product_in.jsp?pd_no=PD1545288967720&lang=tw
2020-06-04